અનંત અંબાણીએ પહેરી 6.91 કરોડની ઘડિયાળ..

અનંત અંબાણીએ મંદિરમાં દર્શનને લઈને કહ્યું કે તે દેવતાઓને પોતાના લગ્નમાં આમંત્રિત કરવા માટે ગયા હતા. આ દરમિયાન જે એક વસ્તુઓ લોકોનું ધ્યાન તેમના તરફ ખેંચ્યું, તે છે તેમની ઘડિયાળ. રાધિકા મર્ચન્ટ સાથે લગ્નના બંધનમાં બંધાતા પહેલા અનંત અંબાણી રવિવારે મહારાષ્ટ્ર ના નેરલ સ્થિત કૃષ્ણ કાલી મંદિરમાં દર્શન કરવા પહોંચ્યા હતા. અનંત અંબાણી અને રાધિકા મર્ચન્ટ 12 જુલાઈના મુંબઈના જિયો વર્લ્ડ કન્વેંશન સેન્ટરમાં લગ્નના બંધનમાં બંધાશે.લગ્ન પહેલા મંદિર પહોંચેલા અનંત અંબાણીએ મંદિરમાં હવન અનુષ્ઠાન કરીને ઈશ્વરના આશીર્વાદ લીધા. અનંતે મંદિર દર્શનને લઈને કહ્યું કે તે દેવતાઓને પોતાના લગ્નમાં આમંત્રિત કરવા ગયા હતા. પોતાના મંદિર દર્શનને લઈને અનંતનો એ વીડિયો પણ સોશિયલ મીડિયા પર વાયરલ થઈ રહ્યો છે. આ વીડિયોમાં અનંતે કહ્યું, “ખૂબ જ સુંદર મંદિર સ્થાપિત કરવામાં આવ્યું છે. હું લગ્ન પહેલા નિમંત્રણ આપવા આવ્યો છું અને માતાજીને અને અહીં સ્થાપિત ભગવાનના આશીર્વાદ લેવા આવ્યો છું.અનંત અંબાણી એ મંદિરની મુલાકાત દરમિયાન રિચર્ડ મિલે ઘડિયાળ પહેરી હતી. ધ ઈન્ડિયન હોરોલોજીની ઈન્સ્ટાગ્રામ પોસ્ટ અનુસાર, તેણે રેડ કાર્બન રિચર્ડ મિલે ઘડિયાળ પહેરી હતી. જેની કિંમત અંદાજે 6.91 કરોડ રૂપિયા છે. આ ઘડિયાળ એટલી ખાસ છે કે અત્યાર સુધીમાં માત્ર 18 મોડલ જ બનાવવામાં આવ્યા છે. અનંત પાસે આ 18માંથી એક મોડલ છે.